Mae’n anrhydedd i ni gael yr anhygoel Suntou Susso Band gyda Binta Susso yn ymuno â ni eto eleni yng Nghaerdydd ar ddydd Sul 25ain Awst wrth i Ddathliad Cymru-Affrica ymuno â Charnifal Trebiwt. Yn hanu o’r Gambia, mae cerddoriaeth Suntou yn cyfuno sain gyfoethog, draddodiadol ei ddiwylliant Mandinka Gorllewin-Affricanaidd ag Affro ffync a soul. Mae’n chwaraewr kora (telyn-liwt), offerynnwr taro, canwr a chyfansoddwr.
Mae teulu Suntou yn cynnwys rhai o’r cerddorion mwyaf uchel eu parch yng Ngorllewin Affrica, ar gyfer y perfformiad hwn bydd un ohonyn nhw yn ymuno ag ef, sef y gantores gwadd arbennig Binta Susso, sy’n canu ar ei albwm Kanéfonyo yn 2022.
Mae Binta Susso yn gantores a chyfansoddwr ac yn ferch i’r cantor a’r chwaraewr kora enwog Momodou Susso. Magwyd wedi’i amgylchynu gan alawon hardd a rhythmau cywrain diwylliant y Griot Manding. Teithiodd Binta Ewrop a’r DU fel aelod o Jalikunda Cissokho, band teulu a oedd yn cynnwys Solo Cissokho a Seckou Keita. Roedd hi’n rhan o bumawd Seckou Keita lle buont yn perfformio dros 600 o gyngherddau mewn 40 o wledydd. Ar hyn o bryd mae’n cynnal gweithdai mewn ysgolion a lleoliadau cymunedol ac yn perfformio gyda Sura a Suntou Susso.
