Roeddem wrth ein bodd pan lwyddodd Côr Un Byd Oasis yng Nghaerdydd i sicrhau cyllid gan Dŷ Cerdd ym mis Mawrth 2021 i wahodd N’famady Kouyaté i ddarparu gweithdai ar-lein ar gyfer eu grŵp côr anhygoel sy’n cynnwys ffoaduriaid a cheiswyr lloches sy’n preswylio yng Nghaerdydd. Roedd cyfranogwyr y gweithdy yn cynnwys unigolion a theuluoedd sy’n hanu o Nigeria, Iran, Ivory Coast, Gweriniaeth Canolbarth Affrica, Cymru, Sudan a Moroco i enwi ond ychydig.
Dros gyfnod o 6 wythnos, mwynhaodd y cyfranogwyr weithdai drymio djembe ar-lein ddwywaith yr wythnos trwy Zoom, a ddaeth i ben gyda digwyddiad corfforol awyr agored yng Nghanolfan Oasis, Caerdydd, ar Fai 1af 2021. O’r diwedd, oherwydd ymlacio yng nghyfyngiadau COVID, roedd mynychwyr y gweithdy yn gallu dod at ei gilydd am y tro cyntaf i chwarae’r rhythmau a’r gân yr oeddent wedi bod yn eu dysgu ac yn datblygu gyda’i gilydd o bell. Bellach mae gan y grŵp sgiliau newydd a rhythmau newydd i’w hychwanegu at eu repertoire wedi’u llywio gan draddodiadau griot Gorllewin Affrica.
Diolch yn fawr i Laura Bradshaw & Tracy Pallant am wneud y cyfan yn bosibl.
Ffilmio gan Amy Peckham.